Televizionet
Radiot
Shtypi i shkruar
Sateliti
Downloads
Albforumi
Media POLL

Galeria Kombëtare e Arteve:

“Wido Buller”

Deri më 30 shtator Orari: 10.00-18.00 Çmimi: 100 lekë Skulptori Gjerman Wido Buller, i lindur në Berlin në vitin 1954, është prezantimi i fundit i Galerisë Kombëtare të Arteve në Tiranë. Rreth 54 punime të këtij autori ekspozohen në sallën e vogël, në holl, si dhe në ambientet e jashtme të kësaj galerie. Skulpturat janë të dimensioneve të ndryshme dhe janë punuar në teknikat e drurit, bronzit, qeramikës, plastikës dhe qelqit. Ekspozita është mbështetur nga Ambasada Gjermane dhe GKA.

Galeria Kombëtare e Arteve:

Maketi i Qendrës së Tiranës

Orari: 10.00-18.00 Çmimi: 100 lekë Në ambientet e Galerisë Kombëtare të Arteve është ekspozuar maketi i projekt-planit për rregullimin  e qendrës së Tiranës. Maketi është i përmasave 320 X 160 cm dhe shoqërohet nga postera të shumtë shpjegues. Në postera përfshihen planimetri dhe prerje të ndryshme të këtij plani, si dhe një informacion i detajuar i etapave të zhvillimit të këtij plani.

Galeria Kombëtare e Arteve:

“Lost my self”

Ekspozitë e dy artistëve: Heldi Pema dhe Bashkim Rodoni Vazhdon Orari: 10.00-18.00 Çmimi: 100 lekë Kuruar nga Fani Zguro, në ambientet e GKA-së prezantohen, për herë të parë së bashku, dy artistë të rinj: Heldi Pema dhe Bashkim Rodoni. Projekti i tyre është një alternim i artit figurativ me muzikën alternative dhe do të ekspozohet në ambientet e jashtme dhe të brendshme të kësaj Galerie. Ekspozita do të prezantojë çdo javë një punim në orët e mbrëmjes dhe do të qëndrojë e hapur për dy muaj.

Galeria Kombëtare e Arteve:

Ekspozitë shëtitëse “Shumëfishi”

Vazhdon deri më datë 30 shtator. Zhanri i veprës së artistit i njohur me emrin “shumëfishi”, është një përshkrim i shkurter për objekte të ndryshme të bëra nga artistet që prej 1960-ës. Pjesa më e madhe e punëve janë blerë kohët e fundit, ose janë tërhequr nga Koleksioni i Këshillit Britanik. E veçanta e kësaj ekspozite, është se punët i bashkon mungesa e të qenit unike, duke i vendosur ato në botën e prodhimit, larg nga praktika e izoluar e studios. Ky zhanër, bën që të krijohen bashkëpunime mes artistëve dhe industrisë. Kjo ekspozitë realizohet me mbështetjen e Këshillit Britanik,Tiranë dhe   artistit Edi Muka.

Galeria Kombëtare e Arteve:

Ekspozitë grafike kineze

Së afërmi (datë 29 shtator - 10 tetor, si dhe 10 - 20 tetor) Në këtë ekspozitë grafike do të paraqiten për publikun foto të ndryshme nga Kina. Galeria Kombëtare e Arteve: Ekspozitë e dizajnit suedez “Forma dhe ngjyra” Së afërmi (6-25 tetor) Sipas organizatorëve, në këtë ekspozitë pritet të paraqiten disa nga punimet më të mira të dizajnit suedez, duke sjellë për herë të parë për publikun shqiptar shijet suedeze.

Galeria Kombëtare e Arteve:

Ekspozitë e artistit shqiptaro-amerikan, Jok Serreqi.

Së afërmi 22 tetor- 5 nëntor 2004. Jok Serreqi është një piktor i suksesshëm shqiptaro-amerikan, i cili do të ekspozojë disa nga punimet e tij të fundit.

Muzeu Historik Kombëtar:

“Panairi i mjaltit shqiptar”

Së afërmi (10 – 11 shtator) Në këtë aktivitet do të paraqiten produktet e mjaltit shqiptar nga disa zona të njohura shqiptare për prodhimin e mjaltit.

Galeria “Zenit”:

Ekspozitë

Vazhdon Paradite: 10.00-13.30 Pasdite: 16.30-21.00 Tel: 27 16 40/1

Galeria “Zenit”

Një ndër galeritë më të reja në Tiranë, pas prezantimit të disa artistëve të mirënjohur në ambientet e saj, risjell për publikun artdashës vepra nga fondi i saj.     

Galeria Lindart & Anima: Ekspozita “Ribashkimi”

Deri më 12 shtator, ora 19.00 Tel: 248 189 Ekspozitë ndërkombëtare shëtitëse, ku ekspozohen një shumëllojshmëri moshash, praktikash artistike me temën e përbashkët mbi bashkëjetesën e ndjesive njerëzore dhe fenomenit të emigrimit. Pas Shqipërisë, ekspozita do të çelet në Poloni, Çeki, Rumani, Izrael, Maltë, Estoni. Kjo ekspozitë do të shëtisë në këto vende gjatë viteve 2005-2006.    

Galeria ”Te & Gi”:

Ekspozitë

Orari: paradite 09.00 – 14.00, pasdite 16-00 -21.00 Në këtë ekspozitë, Galeria Te & Gi prezanton për publikun 50 punime nga koleksioni i saj, të realizuara nga autorë vendas dhe të huaj, në teknikat e vajit, akuarelit dhe me laps. Adresa: Rr. e Durrësit. Tel: 042 304 16. Cel: 0682062093